Daglegur rekstur

Starfsmenn urðunarstaðarins eru þrír og er sorpmóttaka opin alla virka daga. Ekki er ætlast til að einstaklingar komi með sorp til urðunar heldur nýti sér næstu móttöku- eða flokkunarstöðvar sorps. Viðskiptavinir Norðurár bs. eru því fyrst og fremst rekstraraðilar móttökustöðvanna og aðrir stærri úrgangslosendur.

Þeir sem annast flutning á sorpi bera ábyrgð á að farmur sem komið er með til urðunar innihaldi einungis það sem leyfilegt er að urða í Stekkjarvík samkvæmt gildandi starfsleyfi.

Upptökusvæði úrgangs sem tekið er á móti í Stekkjarvík, er að mestu leyti Norðurland. Allt frá Húnaþingi vestra austur í Norðurþing.

Lífgasi hefur verið dælt upp úr urðunarsvæðinu síðan í nóvember 2018 og því brennt í sérstakri brennslustöð. Efnainnihald gass mælist þannig að 31,6% er metangas og 30% koltvíoxíð. Gas sem dælt er mælist 30-40 m3 /klst.